சுவையான ஆட்டுக்கால் பாயா செய்வது எப்படி

சுவையான ஆட்டுக்கால் பாயா செய்வது எப்படி என்று பார்க்கலாம். சன்டே சமையலில் இதை செய்து பாருங்கள்.

ஆட்டுக்கால் - 4

வெங்காயம் - 3

தக்காளி - 2

பச்சை மிளக்காய் - நான்கு

மஞ்சள் தூள் - கால் தேக்கரண்டி

இஞ்சி பூண்டு பேஸ்ட் - 2 மேசைக்கரண்டி

மிளகு தூள் - 2 தேக்கரண்டி

தனியாத்தூள் - 2 மேசைகரண்டி

உப்பு - தே. அளவு

தேங்காய் - அரை மூடி

எண்ணெய்

பட்டை, ஏலம், கிராம்பு - தலா இரண்டிரண்டு

இஞ்சி பூண்டு பேஸ்ட் - ஒரு மேசைக்கரண்டி

கொத்தமல்லி - ஒரு கொத்து

புதினா - சிறிதளவு

* வெங்காயம், தக்காளியை பொடியாக நறுக்கி கொள்ளவும்.

* தேங்காயை நைசாக அரைத்து கொள்ளவும்.

* ஆட்டுக்காலை நல்ல தேய்த்து கழுவி அதில் உள்ள அழுக்கு, முடி எல்லாம் எடுத்த பின் நன்றாக கழுவி,

* குக்கரில் ஆட்டுக்கால் , நறுக்கிய முக்கால் பாகம் வெங்காயம், நான்கு மேசைகரண்டி இஞ்சி பூண்டு, பச்சைமிளகாய், தக்காளி, உப்பு தூள், மிளகு தூள், தனியா தூள், மஞ்சள் தூள், சிறிது உப்பு அனைத்தையும் போட்டு கிளறி நான்கு பெரிய டம்ளர் தண்ணீர் ஊற்றி குக்கரை மூடி 6 விசில் போட்டு பதினைந்து நிமிடம் அதிக தீயிலும், பதினைந்து நிமிடம் சிம்மிலும் வேகவைத்து இறக்கவும்.

* விசில் போனதும் அதில் அரைத்து வைத்துள்ள தேங்காய் விழுதை போட்டு கொதிக்கவிடவும்.

* மற்றொரு கடாயை அடுப்பில் வைத்து எண்ணெய் ஊற்றி சூடானதும் பட்டை, கிராம்பு, ஏலக்காய் போட்டு தாளித்த பின் மீதம் உள்ள வெங்காயத்தை போட்டு நன்கு வதக்கி மீதமுள்ள இஞ்சிபூண்டு பேஸ்டும் போட்டு இரண்டு நிமிடம் வதக்கி கொத்தமல்லி, புதினா சேர்த்து 2 நிமிடம் வதக்கிய பின் கொதித்து கொண்டிருக்கும் ஆட்டு கால் பாயாவில் கொட்டி இறக்கவும்.

* கொத்தமல்லி தழை தூவி பரிமாறவும்.

* சுவையான ஆட்டுக்கால் பாயா ரெடி.

* ஆட்டுக்காலில் கொழுப்பு அதிக இருக்கும். ஆகையால் எண்ணெய் கம்மியா ஊற்றினால் போதும்.

* இதை இட்லி, தோசை, ஆப்பம், இடியாப்பம், சப்பாத்திக்கு தொட்டு கொள்ள சுவையான இருக்கும்.